Quality Education hi kan sawi fo thin a, kan ram pawhin a buaipui nasa khawp mai. A buaipuitu tur bikte siamin chumi lo endik leh chhawngtur te pawh a siam hial a, theih ang ang chuan hma a la ngei mai. Quality Education neih tuma kan sawrkar hma lak dan hi a tha tawk meuh em? Hei aia ngaihdan mumal leh quality education nei tur a hmalak dan tur tha zawk hi a awm thei lo'ng maw?

Zing lam dar li thlenga lehkha ka chhiar avangin ka zing tho tur chu a sak talh talh ngei mai!. Khawvar hnua tum thum tlawng mai ka sana ka bih hnuah, darkuaah class ka nei tih ka hriat ve miau avangin, peih lo zeta zi tual tual chungin dar 8:45-ah chuan ka tho ve ta hrama. Mitek nuaithla tawpin exercise bu pakhat zakzeh chung chuan, Confi lo zetin College lam ka pan ta hna hna a.

       u"(Phil. 4:19) tih a nih tawh avangin.

Ka nitin hun hman dan chu ka duhna-in min hruai a. Ka suangtuahnate a taka chan tir turin, ka computer hma-ah chuan ka thu a. Zend Studio 5.* chu kum thum chuang zet ka thil hmuh ngun leh ka ngaihtuahna min hruaitu chu a ni ta. MySQL ka chham tam zawng leh ka bula mite hming ka lam chu a inzat deuh nawk a. Ka ngaihtuahna chuan kiltin dap thin mahse, a tawpah chuan PHP Programming logic ngaihtuahin a infawkkhawm leh nge nge thin.

Hmalam pan tuma mitinte kan intlansiak mup mup laiin, a kal kawng leh kal khan tha min hrilhtutur kan ram hruaitu Politician-te leh Department hrang hranga kan officer rualte sukthlek leh thiltihdanin a hril zo vek a. Kan duhdan hawiin kal han tum thin teh mah ila, kawng fai tak min sial sak si loh chuan a kar lakah inchhuihbahpalh leh tawhsual tawh mai a awl thin a. Kan hmawsawnna kawngah furpui a lo thleng a, nisa-in min em chauin, ruahpui vanawnin min nuai fo bawk.

Hmeichhia ka hriat hmasak leh nel hmasak ber ka Nu’n min zilhna leh thu tha min hrilh zawng zawngte kha lo zawm ni ila chuan harsatna tam tak ka pal tlang takte kha ka kal kan ngei ang. Mahse, khuanu hian min tuaihriam nan harsatna leh manganna kan tawh thin hi remchangah a lo la thin a ni tih tunhnuah hian a lo lang chhuak ve zel a. Chu chuan beidawnna tawpa awm ni a ka inhriat lai pawhin min khai chhuak a, beiseina thar min siam sak leh thin. Harsatna leh beidawnna tawp han tawn chang hi chuan chung Pathian bawk lo chu pan tur kan hre lo a. Hahdamna leh hahchawlhna zawngin A hnen kan pan leh nge nge thin a nih hi.